HStAOrient5a: 35r

işāret budur. Rivāyetdür ki Arisṭo vaqtā‑ki ḥikmet‑i baḥsīyeʾi Eflāṭūndan // aḫẕ ėtdi. Temhīd‑i qavāʿid ve taqrīr‑i fevāʾid qılmaġa müteṣaddī oldı. // Bundan evvel fenn‑i ḥikmet mektūb ü müdevven degül idi egerçi // baʿżı resāyil‑i müteferriqa remz ü īmā ve lüġaz ü muʿammā ṭarīq üzre // vāqiʿ olmışdı. Zīrā müteqaddimīn ʿilm‑i ḥikmeti ve sāyir ʿulūm‑i // ḫafīyeʾi mes̱elā kīmyā ve ʿaded gibi ebnāʾ‑i ḥükemādan ġayrine ifşā // ėtmezlerdi. ʿİlm verās̱et ile olur dirāset ile olmaz idi. // Pes çün bu ġarażı Eflāṭūna ʿarż ėtdi. Eflāṭūn eyitdi // a turīdu an tufšiya sirra l‑ḥikmati‑llatī katamahū l‑ḥukamāʾu ilā zamāninā // hāḏā yaʿnī diler misin ki sırr‑i ḥikmet‑i eşyāʾi ifşā ėdüb ḥükemānuñ // ʿilm‑i mektūmın maʿlūm‑i cühelā ėdesin. Arisṭo eyitdi: Bir vechle // ėdeyin ki ebkār‑i meʿānīsi nā‑maḥremlere ʿarż‑i dīdār qılmaya. // Eflāṭūn icāzet vėrüb Arisṭo uṣūl‑i ḥikmeti ebvāb // ü fuṣūl ve iḫtiṣār u īcāz belki taʿmiye ve ilġāz üzre // tertīb qılub baʿdehū quvvet‑i qarīḥasından fenn‑i manṭıqı // iḫtirāʿ ėdüb fenn‑i ḥikmete ālet qıldı. Pes Muʿallim‑i Evvel // ile mulaqqab olmaġa ḫuṣūṣ‑i mezbūr sebeb olmışdı. Ve maʿlūm // ola ki ḥükemāʾ‑i meşşāʾūn nübüvvete münkirlerdür dėyü sūʾ‑i ẓanna muṣırr // olmaqdan ḥaẕer gerekdür. Zīrā kütüb‑i meşşāʾūn is̱bāt‑i nübüvvet ile